正再次申請免費電視牌照的香港電視主席王維基接受商台訪問時，被問到會否擔心再次失落牌照，他坦言最重要是要看下屆特首能否換人，若最終不能獲牌，會與同業合作，他們提供硬件及軟件，推動香港創意工業發展，亦會繼續專注做網購，又指董事局對網購生意有信心，舉例指香港寬頻首7年都是虧蝕，「頭1年會賺，個個一做都會賺嘅，唔會係長久生意，長久嘅係個個都話做唔到，唔識做」。

被問到假設未能換特首會如何，王維基說特首選舉還有11個月，現時不應該「咁灰」，但坦言若成真，將會是災難性結果，因為是關係到香港700萬市民及中國13億人關係的大事。他勉勵港人無論如何都不要放棄，不要移民，「我移過民，無論點你都搣唔甩你係黃皮膚，要留喺度參與，要有腰骨，我最憎無腰骨嘅人，可以唔講嘢，但唔好講啲無腰骨嘅嘢，起碼講番人講嘅說話」。

談到為何有意出來參政，王維基說源於年初一晚旺角騷亂，「身邊好多人係度呻，幾多人肯犠牲行出嚟，為香港做一啲事」，他看到當晚有年輕示威者擲磚，感到很不開心，「唔只係思想上激發，係行動上，如果(梁振英)再做5年，難以想象會幾咁惡劣，到時無可挽救」。問到會否覺得成功當選機會微，他笑言：「最初我做香港寬頻都係無希望。」