【不老傳奇】踩過界打網球照贏 48歲馬甸尼殺入職業賽
AC米蘭網球馬甸尼歐洲足球ATP Challenger
恭喜晒以上兩位網球手贏得呢項業餘網球賽男雙冠軍,從而贏得本月底開打嘅ATP米蘭挑戰賽外卡資格…乜左邊嗰位仁兄咁熟面口?冇錯,佢就係48歲球壇傳奇長青樹、意大利鐵衛馬甸尼!馬甸尼周六夥拍佢嘅網球教練蘭度尼奧(Stefano Landonio)贏得喺Aspria Harbor Club舉行嘅網賽,並透過冠軍身份攞到嚟緊26日開打嘅ATP參賽資格,就算米蘭網賽只屬較巡迴賽低一級嘅「挑戰者」(Challenger)組別,但馬甸尼年屆48歲依然能夠進軍職業網壇,實在難能可貴!
馬甸尼為AC米蘭馳騁綠茵賽場24季,直至2009年先以41歲之齡掛靴,據意大利傳媒報道,馬甸尼由於膝傷關係,退役後少咗踢波,反而培養出對網球嘅興趣,近年頻頻亮相慈善賽,但躋身職業賽就係第一次,到時肯定備受主場球迷歡迎!