林志穎同老婆陳若儀結婚6年，婚後生咗大仔Kimi同孖仔Jenson及Kyson，一家五口勁幸福。唔經唔覺，孖仔今年已經3歲，林志穎今日仲喺微博貼咗為孖仔搞生日party嘅相。

林志穎專登整咗個超人造型嘅生日蛋糕，Jenson同Kyson分別着住紅色短袖賽車手T恤，哥哥Kimi就着住一件白色長袖嘅賽車手T恤，雖然林志穎早前同Kimi參加真人騷《爸爸去哪兒》而人氣急升，但係林志穎為咗Kimi嘅個人生活，都冇再貼佢嘅正面相，今次都唔例外，刻意貼啲側面相。

林志穎仲喺微博留言話：「親愛的寶貝們，今天是你們三歲生日，還記得三年前在產房陪著媽咪迎接你們的到來，小小的、還不會說話的你們，用宏亮的哭聲來告訴大家，我們來囉！時間過得好快！現在你們也開始上幼兒園了，整天蹦蹦跳跳跑來跑去的，每天總有一堆問題，爸比你要去哪里？爸比：去工作啊。做甚麼工作呢？ 爸比：唱歌給粉絲聽啊。是唱夢想嗎？ 一堆的好奇問題真是可愛極了。」

佢仲話：「在生日會上看著你們開心的跟小朋友玩耍，還天真的跟著爸比一起唱著生日快樂歌真的好歡樂。未來爸比也會用更多的時間陪著你們健康快樂的成長，希望你們天天開心，我跟媽咪還有kimi哥哥都會好愛你們喔！祝你們生日快樂。」

精選娛聞，喺晒《娛果》
http://fb.com/appledailyent