自然力量|上仗末段受干擾輸得唔抵 姚本輝搵巴度幫手報仇
自然力量姚本輝巴度蔡明紹
是日(13日)香港國際賽日,好多馬房都會安排旗下嘅明星馬上陣,即使唔能夠捧走G1,都可以係其他場次揚威攞彩。
第三場隻「自然力量」係賽績上唔算得上太過亮眼,但勝在忠心,跨季一連四仗取得兩冠一亞一季。
上場「自然力量」初上第三班角逐1800米,同程都能夠跑入亞軍,只輸畀「美麗天使」一個馬頸位。
但姚本輝對呢席亞軍並唔太滿意,賽後即時向蔡明紹問長問短,然後發牢騷話沿途領放嘅「美麗天使」喺最後250米曾經向外傾跑。
結果令到後追嘅「自然力量」需要抽一抽轉換跑線,由內疊移出去跑道中央,先能夠望空衝刺,打窒咗追勢,最終後追不及飲恨,輸得唔抵。
「美麗天使」同「自然力量」今日再次碰頭,前者力爭跨季五連捷,兼重配同馬主家族關係密切嘅潘頓。
至於「自然力量」嘅箭頭亦指向今場,但蔡明紹於11月29日墮馬受傷,由於當時未知佢可唔可以趕及喺今日復出上陣。
加上輕磅騎師一向搶手,所以要盡快落booking,幕後早喺今個月初已經決定改由巴度壓陣,絕非對蔡明紹發揮有任何不滿而換人。
睇吓換上新配搭後,「自然力量」可唔可以成功復仇,幫輝哥出番啖氣。
-----------------------------
經濟環境陰晴不定,周轉困難亦是常事,邦民日本財務讓你安坐家中,貸款一樣可以輕輕鬆鬆到手,網上貸款即時初步批核⦿,星期日都照批★,用轉數快還可以即批即過數^,全新客戶成功貸款可享迎新現金獎高達HK$3,500▲,所以說,解決方法總比問題多!
推廣期由2020年12月1日至2021年1月31日(包括首尾兩天)
須受條款及細則約束,詳情留意邦民日本財務(香港)網頁。