舞台劇演員林澤群今日喺商台宣傳新舞台劇《Dogs》，佢話套劇講好多地方有活體實驗，佢哋會扮演狗狗，為動物發聲。本身佢同劇中演員羅敏莊及劉雅麗都有養寵物，故此感受特別深。

林澤群話：「綵排到尾個個都喊，劉雅麗綵排時喊，話好感動，佢本身養5隻狗，羅敏莊有9隻貓。」劇中佢同羅敏莊有感情戲，佢話：「我嘅角色鹹濕，但心地善良，羅敏莊爭啲被霸王硬上弓，同佢最後患難見真情。」