公民黨法律界立法會議員郭榮鏗展開為期10日的訪美行程，冀美方維持香港獨立關稅區地位，出發前夕卻被特首林鄭月娥暗踩不夠權威，郭榮鏗反駁指，權威與否不是看官位，而是講公信力，反斥官式盲從「line to take」，毫無說服力，明言若有需要會不斷出訪，冀與美國政界設立溝通平台，連繫兩地政治人物定期就香港事務作出討論，笑言建制派議員若「夠膽」都可參與。

記者 梁穎妍

當特區政府高舉一國兩制優勢，宣傳香港作為國際金融中心，卻一邊發生連串政治打壓、報復事件，美國國會旗下委員會最近發表的報告，更因應中央干預香港，建議取消香港的獨立關稅區地位，應邀出訪美國的郭榮鏗表明會如實向美方講述香港實況。

郭出發前接受《蘋果》訪問，直斥特區政府對國際社會對港失去信心要負最大責任，「一連串DQ、趕記者（馬凱事件），佢係咪一定要咁做？我相信佢心裏面唔想，但冇辦法頂住壓力，呢個係我對佢最失望嘅地方」。郭堅信中央強力干預之外，特區政府仍有底線可守，「我唔信一個記者入唔入到嚟（香港），佢（特首）都控制唔到；選舉主任用嘅（DQ）決定，一定係佢（政府）喺背後決定，呢啲決定冇可能唔係去到佢嗰個層面」。

港府掩耳盜鈴、自欺欺人，國際關注卻與日俱增，郭指外國對香港高度自治非常憂慮，今次訪美將主力訴說DQ事件，「（政府）佢哋唔會敢去處理人哋問DQ、趕記者，佢哋都係會耍走人哋、講真去到剩係講官話人哋會shut off」。特區政府要他說事實，郭眼中的事實是香港政策法不能取消，「話畀國際社會知，美國政府再唔相信一國兩制在香港存在，由美政府發出去，對香港形象同實際打擊係相當相當之大，等於推香港落懸崖」，希望港府頂住北京壓力，「每次做損害香港核心價值嘅事，起碼佢要諗一諗，會有一個好嚴重後果，係嚴重到冇一個特首能夠孭得起。」

郭榮鏗10天行程會與美國共和及民主兩黨成員，以及當地律師會會面，亦會到訪華爾街的重要金融機構，他指特別加插訪問金融機構行程，是眼見在港營商的商界人物只為利益，「香港最悲哀係外國商會唔敢出聲」，即使發生驅趕記者事件，「英商、法商等咁多商會冇人講嘢，佢可能睇住自己喺度搵得幾耐得幾耐」，希望透過今次機會呼籲美國商界，「唔好剩係睇住係香港啲錢，要睇埋香港一國兩制、核心價值，你唔會容許件事喺自己國家發生，點解覺得喺香港發生就可以？」。

未出發已惹來有否作用等批評，郭榮鏗處之泰然，更無懼「唱衰香港」的污名，希望藉此為美港建溝通平台，主要接觸共和及民主兩黨人士，「過去幾年好多美國官員出嚟（訪問）都會見，但冇聚焦，散亂，接觸議題好唔同」，冀日後讓兩地政界定期就香港事務有規模、結構地聯繫，屆時將邀請民主派議員加入，「如果建制派議員你夠膽同人哋接觸、你咪出去講，睇吓有冇人聽，睇吓人哋反應係點」。