左膠同勇武,其實好易分。但明明自己係勇武/本土派,卻被列為「左膠」;明明係人,卻被說是「鬼」。睇唔透。
游學修說:「過去嘅2015年,我好唔開心。我最驚嘅唔係黨嘅威力,同藍絲嘅威力,反而係驚自己人。」
游學修續道:「自己人佢唔係當人自己人,其實佢哋唔自稱黃絲,佢哋其實係反建制,佢哋打唔到強權、拉唔到梁振英、林鄭落嚟,所以將個忿怒、怨念發洩喺自己人度,會拉學民思潮落嚟,會拉泛民落嚟,係要有人帶動啲事情,係需要啲PR手段,佢哋需要宣傳、需要形象,呢班人就將佢哋拉落嚟。」
「佢哋會話,你拍呢啲戲嚟做乜?點解唔攞啲錢去做啲乜?做乜都被人踩!2015最唔開心見到呢個勢力愈嚟愈壯大,佢哋唔會講團結。」
《自焚者》導演周冠威就說「好亂」:「勇武派會話我左膠,左膠會話我勇武,我好亂。我套戲用啲標籤性字眼,人哋唔諗住同你團結,但香港人需要團結。共產黨最大嘅力量,就係分化同離間,0依家我哋散晒。」
周冠威最後說:「為香港將來,我哋係要走向團結,0依家面對就係分化,我極討厭《十年》會出現嘅景像。」