本周三谷草開鑼賽事各駒排位及配搭剛剛公佈，跑谷草當然要先睇檔位，八場賽事之一檔馬順序為「天狼星」、「靚先生」、「公証揚聖」、「非凡者」、「至尊飛星」、「精壯神駿」、「好運有利」及「旅遊仁義」，當中最值得留意係第三場「公証揚聖」，呢隻馬三次排一檔跑谷草獲一冠一季一殿佳績，贏馬一役正是在上季谷草開鑼戰所得，今仗又抽得黃金一檔，隨時可以重溫好夢。