韓國「第52屆百想藝術大賞」將於下月3日喺首爾慶熙大學舉行，大會終於公開正式入圍名單。今屆競爭可謂非常激烈，除咗有「雙宋」爭做視帝視后外，電影部門方面亦有靚媽全智賢等拎影后，而全智賢生完B之後一直未有公開露面，唔知佢下個月會唔會出席頒獎禮呢？

電影方面，全智賢主演嘅《復國者聯盟》、《燥底師兄生擒富二代》、《思悼》、《寒流黑金》等大片將角逐最佳影片、最佳導演、最佳劇本等獎項。

候選影帝就有：白允植《寒流黑金》、李秉憲《寒流黑金》、劉亞仁《思悼》、宋康昊《思悼》、黃政民《燥底師兄生擒富二代》

候選影后方面：全智賢《復國者聯盟》、金惠秀《唐人街》、李貞賢《誠實國度的愛麗絲》、全度妍《無賴漢》、韓孝珠《我的變身男友》

本屆百想更首次設置觀眾跟影片方對話嘅「GV」環節，而頒獎禮更將通過JTBC、JTBC2及愛奇藝直播。