日本尊尼事務所組合嵐成員松本潤，上年驚爆瞞住地下情女友井上真央搭上AV女優葵司多年，花弗形象令本身形象健康嘅松本潤大打折扣。

松本潤今年10月將有新片《愛，不由自主》於當地上映，今次同青春女星有村架純再拍檔，故事翻拍自作家島本理生嘅同名小說，兩人在片中上演禁斷師生戀，由行定勳負責執導，電影公司已公開預告片，當中不少兩位主角嘅激情演出，包括二人在浴室內被花灑弄至濕身場面，最後更有露出玉背嘅有村為赤膊松本潤除眼鏡，同片仲有坂口健太郎、瀨戶康史及市川實日子演出。