婚姻對女性來說可算是人生中最重要的投資，自認沒有投資心得的劉嘉玲，在30多年前拍攝《新紮師兄》時，已經睇準丈夫梁朝偉是潛力股，時至今日仍在升值中。嘉玲今日出席好友公司集團於中環宣佈計劃上市的記招，她表示對這間公司充滿信心，更即場打聽是否可以認購股份。

投資方面，嘉玲坦言過去10幾20年都是投資房地產，仍幸運地樓市一直有升，但她相信到某一個位會出現回落。至於自己的服裝品牌生意仍在學習中，未有錢賺，問到是否希望做到上市？她說：「呢個係目標，不過仲有好遠，我見好多國際品牌或日本百幾年歷史生意，都要做到工匠極緻，先得到市場認同。」

現時最大投資，嘉玲表示是自己健康，講到丈夫梁朝偉是否潛力股，她肯定說：「梗係，仲升緊，呢個投資好準確，30幾年前《新紮師兄》時已經睇好有實力。」嘉玲近期不時到郊外遊玩，她自言年紀大，多看大自然風景，吸取正能量；她又稱鍾意大象的四平八穩，好想親近牠們，嘉玲說：「身邊（啲朋友）病嘅病，走嘅走，生命好脆弱，要珍惜當下，因為計劃趕不上變化。」之前去旅行時玩射擊，她指是第二次玩，因為一直好驚槍，但又想克服這份恐懼，而且射擊時要保持呼吸平靜。

採訪：馬建華
攝影：沈健程

-----------------------------
蝙蝠俠誕生80周年
點擊即睇85頁經典大回顧
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇