隔牆有耳：
禁入閘受打擊 專心做貓奴
梁天琦sosad：我好廢 - 李八方
蘋果日報 2016/12/05 00:00
每逢年底都係盤點風雲人物嘅時候，八方覺得本土民主前線梁天琦今年一定上榜，年初一騷亂到新東補選高票落選，殺出一條本土血路，人氣一時無兩；之後佢喺立法會選舉被禁入閘，替補上陣嘅青政梁頌恆仲被DQ埋，從政路𥧌迴路轉。可能衝擊過後乜都做唔到，令梁天琦自覺好廢兼疑神疑鬼，仲要唔想出街，終日與貓為伴。
梁天琦接受now新聞台訪問時講到，參加立法會選舉但俾選舉主任裁定提名無效對佢打擊好大，「望住其他人做到，自己做唔到嘅感受其實係差」。佢自爆立法會選舉後，寧願留喺本民前office內專收容流浪貓嘅地方，都唔想出去見人，「（唔出街）我諗最主要係，唔想俾人認得，會疑神疑鬼，會好多陰謀論去諗，精神壓力會幾大」。
梁天琦接受now新聞台訪問時講到，參加立法會選舉但俾選舉主任裁定提名無效對佢打擊好大，「望住其他人做到，自己做唔到嘅感受其實係差」。佢自爆立法會選舉後，寧願留喺本民前office內專收容流浪貓嘅地方，都唔想出去見人，「（唔出街）我諗最主要係，唔想俾人認得，會疑神疑鬼，會好多陰謀論去諗，精神壓力會幾大」。
感嘆政治生命短暫
一年內經歷咁多起跌，梁天琦感嘆自己嘅政治生命好短暫，不足一年，猶如煙花，非常感觸話：「我覺得自己仲係好廢，好多時候都係得個噏字，而冇真係好堅實理論基礎喺後面，所以我先選擇要去讀書。」
佢計劃明年初到美國哈佛大學做研究員，比較台灣同香港嘅本土運動，亦報讀咗碩士課程升呢，正等緊取錄結果。雖然未諗到勇武抗爭嘅出路，但佢唔覺已經走到盡頭，認為和理非非嘅集會有時係有必要，「我哋有一啲時候係應該要因時制宜，首先我哋要聚咗人氣，滾大咗我哋個民意先，咁呢啲時候，我哋就要用比較和理非非式嘅集會，所以你話係咪走盡咗？我又唔覺」。
佢計劃明年初到美國哈佛大學做研究員，比較台灣同香港嘅本土運動，亦報讀咗碩士課程升呢，正等緊取錄結果。雖然未諗到勇武抗爭嘅出路，但佢唔覺已經走到盡頭，認為和理非非嘅集會有時係有必要，「我哋有一啲時候係應該要因時制宜，首先我哋要聚咗人氣，滾大咗我哋個民意先，咁呢啲時候，我哋就要用比較和理非非式嘅集會，所以你話係咪走盡咗？我又唔覺」。