日本女子組合℃-ute剛剛上星期先至喺香港開完首次演唱會，佢哋返到日本就繼續做巡迴演唱，今日喺埼玉縣越谷市演出時，成員岡井千聖宣佈下月要做聲帶手術，需要休息一段時間。

岡井話發現咗患上聲帶，醫生話最好於早期接受治療，但佢同醫生同工作人員相量後，可以等到下個月℃-ute完成巡演同埋下個月22日佢個生日騷之後，先至入院做手術，其餘成員都表示擔心佢嘅情況，中島早貴仲話岡井講得太多嘢，同隊友齊齊禁止佢講嘢。岡井話手術後要休息一段時間，但要等到手術後睇下情況先至幾時可以復工。