溫婉靚樣，嬌滴滴外形，柔和聲線說着半鹹淡廣東話，36歲劉心悠堪稱擁撒嬌女人的完美package，惟她未有因此覓得另一半照顧。由台灣來港發展十多年，心悠自認或多或少承傳本地女強人的堅毅，堅持溫柔得來不失個性，不過密密拍電影劇集的她偶爾也有軟弱、需要被關懷一刻，「開工好早，當你搵唔到人同你傾偈、食早餐。覺得如果有人得閒就好喇，但又唔會覺得對方需要係男人。」總之，有人陪伴就好。

相比起「台妹」，劉心悠更適合「港女」稱號，所指的是女強人特質，「我從來都唔係溫柔嬌嗲！欣賞香港女仔獨立，同埋堅強，香港好多女強人，台灣比較少啲，我或多或少承傳到香港女人嘅堅毅。」

心悠不覺得台灣女生特別懂得撒嬌，「係語言上嘅barrier，尾音有囉、呀，呢啲重啲，聽起嚟好似好溫柔。easy going啲，傾偈時唔會表達立場，好似順啲、圓滑啲，但香港女仔係，佢唔認同嘅，就會唔驚咁表態。」自己界乎兩者之間，「圓滑得嚟需要表達自己立場，女仔溫柔還溫柔，但唔可以失去自己個character，如果唔係就會矮咗。」

做人要有個性，心悠不論對着男或女，說話都堅持用同一聲線，撒嬌、講疊字的對象僅限長輩。她即場舉例一下，「長輩問呢排攰唔攰，我會話呢排攰攰地。」我的天！原來她真的不懂撒嬌。不過工作太忙，有時都會變得嬌弱，「開工好早，當你搵唔到人同你傾偈、食早餐，覺得如果有人得閒就好喇，但我又唔會覺得對方需要係男人，其實係accompany去陪住我。」閨蜜們未必能隨傳隨到，「煞科後會call佢哋出嚟，佢哋覺得我消失咗半年，好擔心我得唔得，其實都好開心，只係家係你available時佢哋唔available。」