出擊的機會來了！滬綜指三扒兩撥又上番3300樓上，犀飛利。一堆好消息突然浮面︰第一，新股上市接近尾聲，預計下周會有兩萬億人仔回籠，狂歡派對part2快開始。
第二，內地改革公務員養老保險金制度，預期可釋放1.2萬億人仔資金，只要有一部份入市，又有好戲上演。第三，上月新增貸款不足七千億人仔，比預期低，一句講晒，又多一個放水炒作概念。值得留意嘅係，噚日兩市成交只得五千多億人仔，雖較上日多約千億，但同高峯期嘅逾萬億比，簡直小巫見大巫，潛在增幅達一倍，反映只要有新水到，滬綜指要上四千關可謂易如反掌。

估值平絕同業

內險股及A股ETF噚日率先爆上，前者如平保（2318）、國壽（2628）雙雙破頂，再一次證明坐貨總有出頭天嘅道理，內地券商股同高位比，依然有一段距離，值博率最高，未入場嘅戰友可上尾班車。三大內地券商股近日圖表走勢一致，同處於三角形末端，一石隨時擊起千重浪。從估值出發，銀河證券（6881）預測市盈率18.7倍，較中信証券（6030）及海通證券（6837）平均25.8倍折讓28%，最抵玩！現價十蚊入場，只要A股成交旺番，隨時三番牌也可變爆棚。

唐牛
https://www.facebook.com/tongcow88