何佩瑜(Jeana)回復單身，用事業線證明自己幾咁有事業心。不過唔係拍寫真喇，而係為葉念琛執導嘅電影《溝女不離3兄弟》中，瞓身仆街演出。真係仆喺街度的。

今日眾人拉隊到觀塘拍戲，呢場戲講述張建聲同Jeana去酒店開房。離開時，兩人喺街上錫錫，仲連咀6次（使唔使咁多呀？）之後被飾演老婆嘅Jinny（吳若希）發現。Jinny激動到攞出鏹水潑對方，嚇到Jeana跌喺地下。

唔知係咪Jeana太投入關係，唔小心扭到腳，仲發現佢左腳小腿有一大塊瘀傷，又露埋底，幸好裡面有著打底褲，而且事業線亦力保不失冇走光，但成場戲就益晒張建聲，唔止眼睛食冰淇淋，仲連咀六次兼食「波餅」，太幸福了。



逢周五隨《蘋果日報》附送嘅時尚美容雜誌《add》第四期經已出版，大家仲可以上《add》嘅官網 http://add.appledaily.com睇足本網上版。除咗有陳妍希專訪，仲有好多時裝靚嘢睇！