【李八方online】毛孟靜見新任駐港美領事 反映對北京文攻武鬥憂慮
蘋果日報 2019/08/07 13:08
毛孟靜史墨客
毛孟靜fb圖片
曾經喺美國國務院出任主管中國事務處嘅副助理國務卿史墨客（Hanscom Smith），上月起接替轉投私人機構嘅唐偉康（Kurt Tong）出任美國駐港總領事一職後，上任後主動約見不同界別人士，今日就喺立法會同民主派會議召集人「Miss Mo」毛孟靜會面約45分鐘，雙方交換對香港當前時局嘅睇法。
Miss Mo會後接受八方查詢時話，不便引述史墨客嘅說法，但就感到對方好關注香港情況，佢自己主要向對方就北京政府近日頻頻對香港「文攻武鬥」表示憂慮。Miss Mo解釋，所謂「文攻」，係指北京將香港嘅抗爭運動扭曲成為挑戰「一國」，更向香港貼上顛覆基地的標籤；至於「武鬥」，就係指香港警隊現時以軍隊形式治港，好似將香港巿民視為敵人，情況實在令人擔心咁話。