【語音短訊被剪輯】江嘉敏被爆偷食衝動回應 即遭樂易玲「照肺」
蘋果日報 2019/09/12 17:15
江嘉敏電競公司高層
【新增回應&圖片】
大台小花江嘉敏入行以來戀事多籮籮，先後與余德丞、何廣沛和王浩信等人傳緋聞，直到戀上電競公司高層Anthony後才算靜下來；不過今日有周刊報道，江嘉敏與Anthony愛得火熱之際，原來同時搭上男友的生意拍擋X先生。報道稱X先生透過Anthony認識江嘉敏，最初當她是阿嫂，但最後被江嘉敏的熱情融化，兩人經常私下會面，江嘉敏更O氹到X先生打本50萬開琴行，還計劃借工作名義瞞正印日本偷食。
大台小花江嘉敏入行以來戀事多籮籮，先後與余德丞、何廣沛和王浩信等人傳緋聞，直到戀上電競公司高層Anthony後才算靜下來；不過今日有周刊報道，江嘉敏與Anthony愛得火熱之際，原來同時搭上男友的生意拍擋X先生。報道稱X先生透過Anthony認識江嘉敏，最初當她是阿嫂，但最後被江嘉敏的熱情融化，兩人經常私下會面，江嘉敏更O氹到X先生打本50萬開琴行，還計劃借工作名義瞞正印日本偷食。
報道又稱事情走漏風聲，江嘉敏在IG出POST，表示有人謠傳她跟Anthony感情出現問題，有人自認是她的新男朋友，話訂了機票酒店陪她散心，不過實情是與男友關係非常之好，希望不要有人惡言中傷，侮辱她人格。然而事情似乎仍未告一段落，今日報道出街後，江嘉敏又在IG出POST，她說：「你點搞我同我男朋友呢，都唔會有任何影響O既，不過呢，你係都要冇嘢搵嘢玩，搞下我屋企，又搞下我工作呢，我就真係會嬲喇！我同男朋友都預咗呢一日，你會cap頭cap尾，又話我溝你又話我呃你錢！夠膽就唔好cap頭尾，畀全部嘢人哋睇嘛！仲要夠膽做，唔夠膽面對！嗱嗱聲block晒我同男朋友！其實都知你咩事嚟喇！」最後江嘉敏更爆了X先生的身份：「X咩先生呀扮神秘？王仁灝先生！成日都話想出名，好啦，如你所願喇！」
江嘉敏今晚在無綫電視城出席《香港唱好演唱會》，穿上露背晚裝的她心情似乎未受「偷食」事件影響，她承認今日返公司即遭高層樂易玲「照肺」：「今朝好衝動回應咗件事，返嚟就被樂小姐照肺，佢話傳媒報道我唔應該回應，非常抱歉呀，我一時衝動回應咗！我當時好嬲，先會破口大罵！」對於傳聞可是真？江嘉敏表示已向男友解釋，男友也諒解，兩人之間的感情未受影響：「我哋非常好，冇問題，見我咁長肉就知啦！」江嘉敏承認語音短訊的聲是她本人，但語音短訊被剪輯，她續說：「真實極有限啦，唔真實唔再回應。」
江嘉敏謂未入行前教琴，曾有意開琴行。而報道中指江嘉敏欲向X先生借50萬開琴行，她說：「經剪輯嘅短訊，唔回應啦，身邊朋友知發生咩事，自己都喺平台回應咗，所以唔再講，唔想再畀樂小姐照肺！」江嘉敏指X先生是男友認識的朋友：「其實都唔太清楚佢做咩，只知佢有賣衫、鞋。」
江嘉敏跟X先生之間的短訊內容十分瞹眛，問到她可擔心仍有語音短訊流出？她說：「所有語音短訊我男友都過目晒，冇問題，佢好信我！」她指惹上這次負面新聞純因不會帶眼識人：「我要改信人嘅習慣，不只我，連男友都同佢唔熟，只係買衫、鞋先聯絡，之後梗係唔會再聯絡！」江嘉敏為何不質問對方？她則說：「冇意思，都出咗街。今次上咗寶貴一課，以後要帶眼識人！」
江嘉敏今日在IG 留言！（IG截圖）
江嘉敏今晚出席大台活動時，直認遭樂易玲「照肺」。