【本報訊】形容梁栢堅為「黃色詞人」，亦因為他是少數願意公開自己是「黃絲帶」的全職填詞人，在雨傘運動期間眼見暗角打鑊、警棍亂舞種種不平事，他寄情改詞「唱衰你」，警方說警察是慈母，他便將《真的愛你》改成《真的毆你》，《七友》改成《七警》，如此高調不怕被封殺嗎？「冇理喎，可能有人會話，你係黃絲我唔搵你寫，但唔做就唔做啦！」

2012年起寫政治話題

早於雨傘運動開始前，他已支持學生罷課，9.28當天他更「飯都食唔落」，種種荒謬事件都成為他的創作靈感，最嬲可數七警涉暗角打人一事，他將《七友》改成《七警》，「你話警察係慈母？我就搵首讚母親嘅歌嚟改」。梁栢堅坦言當時感覺很無力，監警會好似甚麼也做不到，「惟有唱衰你」。
近日智障人士被錯誤檢控亦令他很憤怒，結果他又改寫了成龍的《警察故事》主題曲《硬漢子》作諷刺，「我都唔想鬧，但警方死都唔認錯，仲衰過丁蟹，其實深夜道歉都係太早，應凌晨4點先道歉吖嘛！」
他於2012年時已開始將政治話題入詞，至今約有30多首著作，最為人廣傳的可數將《財神到》改為《時辰到》寸梁振英，「其實係政府畀咗題材我哋，如果早20、30年前改政治詞未必有咁大反應，係有咁嘅社會先催生到咁嘅狀況，好似文字打小人咁，如果首歌大賣，大家知咩事啦」。他計劃稍後將政府歌詞結集成書，坦言「趁仲有機會出就出」。
■記者鍾雅宜