當年今日
關於我們

新勝馬谷中初體驗!六爺讚有速度 但有一個缺點

蘋果日報 2018/09/25 16:18

勁無比羅富全史卓豐

明晚(26日)快活谷賽事,六爺羅富全旗下的沙田新勝馬「勁無比」,將跑第八場三班1200米,乃本身谷草地標戰。
「勁無比」是羅富全今季的開齋馬,也是這位上季新人王,今季暫時唯一頭馬。
「勁無比」上仗在四班田草1200米力壓「醒目再臨」打開勝門,今次轉爭快活谷下,對手比上場弱,難怪被外界睇好,不過羅富全接受訪問時直言,此匹四歲馬今場爭取連捷有難度。
羅富全解釋說:「上場『勁無比』在沙田四班贏馬,今次將面臨升班而戰,對手進一步增強。有見及此,我便部署此馬渡江跑快活谷,因為一般而言,谷草對手沒有沙田般強,希望增加勝算。」
「『勁無比』本身具一定速度,跑1200米或1400米均合,今戰跑谷草1200米應合腳法,只可惜非常唔好彩,抽到10檔。」
「對於此馬嚟講,比較難跑,如果早段搏命搶位,我好擔心牠末段會力弱,所以今次排外檔難是很難發揮。」
「亦都因為咁,我已告知騎師史卓豐,出閘後希望搵到二、三位,但又唔好早段耗力太多,希望人馬可以克服外檔的阻力。」
empty
羅富全解釋勁無比勝後轉場原因
empty
勁無比上仗跑田草1200米,打開服役勝利之門。