跳唱組合As One解體後，現年22歲嘅前成員陳嘉茵（Kayan）今年7月簽約范振鋒後，重新樂壇出發。今年10月底，Kayan以踢館身份喺台灣參加綜藝節目《希望之星》仲被封為「港版蕭亞軒」，該節目每周六播出，經過9星期無間斷比賽，Kayan已晉身四強，噚晚再淘汰一人，Kayan得以繼留低，打入三強，分別係林德葳、文慧如同kayan，本周六最後一集，佢哋便會分出高下，誕生冠亞季軍。

Kayan喺九星期內參加比賽，佢四次拎咗周冠軍MVP，袋走共8萬新台幣（約2萬港元）。Kayan噚晚獲悉全民投票下冇被叮走，佢開心喺facebook留言：「進三強了。」Kayan今日接受《蘋果》電話訪問時話：「好開心，進入咗三強，噚晚比賽知要淘汰一人，我超級緊張，第一回合我成績排最尾，到第二回合先彈番上去，所以好緊張。呢次我唱咗五月天嘅《派對動物》，我着咗聖誕裝，想營造聖誕開party氣氛，希望下一集有更好表現，我會好好享受喺舞台時刻，總決賽用盡全力，回報支持我嘅觀眾。」

更多娛聞，喺晒《娛果》
http://fb.com/appledailyent