【韓流】IU接受冰桶挑戰 姜漢娜不避嫌點名緋聞男友王大陸接棒
IU冰桶挑戰
近日韓國娛樂圈掀起新一輪「2018冰桶挑戰」,呼籲大眾關注漸凍人症嘅「肌萎縮性脊髓側索硬化症」(ALS)病人,已經有多位韓星參與,包括朴寶劍、呂珍九、金所炫等,而女團A Pink成員鄭恩地完成挑戰後,點名「國民妹妹」IU參加。
IU噚晚就喺Instagram上載自己挑戰嘅短片,以行動支持漸凍人症患者,隨後IU就點名韓版《步步驚心》拍檔姜漢娜、作詞人金伊娜及歌手鮮於貞娥參加挑戰。而姜漢娜今早亦喺Ig公開自己挑戰淋冰桶嘅短片,之後更不避嫌點名緋聞男友、台灣男星王大陸參加挑戰,引起關注。
另外,剛拍完劇集《我的大叔》嘅IU成為信用卡嘅新代言人,日前就投入新廣告嘅拍攝工作,品牌方面今日就公開咗IU對住鏡頭甜笑嘅新代言照。
更多韓流,喺晒《娛果》
http://fb.com/appledailyent