當年今日
關於我們
關仁隱事:怪漬大哥嗒唔到綠姑
蘋果日報 2006/02/26 00:00
怪漬大哥雖然鹹濕又大食,但唔到關仁唔佩服嘅係,一打打靚女爭住送上門,以同怪漬大哥有一手為榮。八十年代怪漬大哥體力最輝煌嗰陣,嗒盡圈中百分之九十九嘅夏迎春之餘,連鍾無艷都一樣照啃,名副其實有殺錯冇放過,當時怪漬大哥真係橫掃成個娛樂圈啲女咁滯,除咗綠姑。
雖然怪漬大哥出盡法寶,但綠姑點都唔肯就範,因為佢心繫鬍鬚短,雖然鬍鬚短有老婆,綠姑仍然舂個頭埋去,諗住鬍鬚短遲早會離婚同自己雙宿雙棲,最終鬍鬚短雖然離咗婚,但娶嘅係過氣天后。𠵱家雖然綠姑嫁得唔錯,但每逢提起過氣天后,重係嬲到震。