「我生咗個女！但未結婚！如果同家人一齊去飲或新年，使唔使封利是㗎？呢個情況好尷尬，我仲要得19歲，又唔係大。」網友perfect_hing跟男友同居但未註冊結婚，年關將至，她近日在香港討論區傾訴苦惱，得到網友的熱烈回應。

有指「擺咗酒先要派」

「習俗未結婚不用派利是，但你個女可以𢭃利是。仲有，邊個話一定要派利是？我結咗婚後都從未派過！如果你啲親朋戚友因為你無畀嗰廿蚊利是就『阿支阿左』，呢啲親朋戚友唔要都罷！」LMF3003的意見獲得「靈芝諸葛亮」的堅決支持：「唔使派！中國人嘅習俗係要擺咗酒先要派。即使註冊了仍未擺酒，都不用派，但如果已擺酒，未註冊就要派。一切以擺酒為準。」
不過阿祖認為：「我係你就封喇，有個女𢭃利是，但又唔封利是，這不是一個好行為！」另一位網友更強調perfect_hing已為人父母，已成家立室，輩份高了，「一定要封利是！」縮骨的「鋒哥哥」則建議：「過年唔好去飲茶咪得囉……」但對方顯然不接受：「新年為咗封利是玩失蹤……咁樣衰﹗」