一、近期細價股急升，有人話恨都恨唔來，我卻認為是毋須強求。一些灰色地帶的「推高」，涉及到不同內地省市在人家工地搭雞棚，幾日升幾倍；更誇張的，距離有實質業務還差一點的公司，炒上市值近百億元，呢啲係咩世界？內地A股創業板造市疑雲，其實內地中證監已着手調查。Well，而家個個大時代，劇情就好似方進新（劉松仁），作為交易所副主席，對未婚妻玲姐（藍潔瑛）說（大致意思）：一個細細車房賣汽車零件冇業績可言，名副其實天線股都可以上市，係唔係癲咗？

畢菲特索羅斯殊途同歸

有人講話升市唔需要理由，我不敢盡認同，投資其實沒有固定法則，但在基金管理行業來講，演變就是遊戲規則，我哋每天都要學新嘅事情，喺股票方面有新上市公司、新業務方向、新產品、新服務、新管理團隊、新價格波動；喺宏觀方面有新政府、新政策、新國際關係；喺監管方面有新發規、新會計規則、新透明度、新監管條例等等。
要成為相對穩定（consistent）嘅操作者、投資人，必須憑着赤子之心、不停地看、不停地追問、不停地分析、不停地下結論。呢啲獨特嘅操作「手感」需要時間來鍛鍊，假以時日，我相信可以把一個亂聽冧巴嘅市場參與者，逐步變成一位有危機意識嘅操盤人。講到「神人」，又點可以唔講股神畢菲特及對沖王者索羅斯？
畢菲特也快85歲，他與大鱷索羅斯同年同月生（1930年8月），他們的操作策略絕對不同，索羅斯緊張而畢菲特相對從容。能夠持續地有正回報絕對困難，索羅斯是高手，在宏觀的領域，要每次market call做對絕對不容易，而畢菲特的投資則着重價值，這一點毋庸置疑。
根據權威網站InsiderMonkey.com所指，2014年畢菲特及索羅斯的共同點是兩位重貨手持上市指數基金ETF，全世界流通量最高的SPY 500，代表標普500指數最大500隻成份股。現時，畢菲特揸重貨的（經巴郡公司）有金融機構Wells Fargo、可口可樂、美國運通。另一邊廂，索羅斯在上年12月尾申報的投資部位當中，揸最重貨的便是阿里巴巴（BABA）。

二、在金融市場經常殺入進出的參與者，須要有安靜的力量，作定期的心靈排毒。還記起2008年9月15日雷曼兄弟爆煲，我有部份操作資金被凍結。我頓悟到，無論投考為本（skill based）策略有多了得，黑天鵝時件出現次數（black swan event）可以比我們想像中更多。那時候市場波動，芝加哥期權交易所波幅指數（CBOE VIX）到2009年第一季曾抽升至80（100是極限，算是歷史低位），人心惶惶。有人因運用方向性策略（directional/tactical），造長或造短，戶口差點兒弄到「被自己炒爆」。

風高浪急　要提高警覺

有小撮操作者利用引伸波幅（implied volatility）那十年難得一遇的特性（VIX急升去到70至80），進行時間值損耗（time depletion）策略，即做莊策略，先收錢、後平倉，如鐵兀鷹（Iron Condor）的一網打盡式運作，獲利甜美，no brainer！但十年一遇的機會，實在可遇不可求。請注意：而家波幅低（low VIX），用指數做鐵兀鷹並非最好策略，但個別股票做鐵兀鷹，每間公司都有佢嘅故事，又是另一個世界。

三、在此，短談投資情緒。Sentimentrader.com是不少北美洲普通人及資深投資者所用的投資輔助工具，它把不同的市場數據加以分析及過濾，令金融參與者更了解市場行情，這是信心指標的一種。芝加哥期貨恐慌指數近來去到13以下，我也希望沒有黑天鵝事件。但在此必須一提，在風高浪急之際，防禦策略絕對不可少：Make emotion work for you, not against you！Happy trading！

錢志健
資深對沖基金經理
mailto:[email protected]
本欄逢周五刊出