當年今日
關於我們

【韓流】起訴網民人身攻擊 泰妍到警署受查避談享特權

蘋果日報 2017/12/04 11:13

少女時代泰妍

【新增事務所回應】
韓國女團少女時代隊長泰妍,上月28號因不小心駕駛致3車相撞,導致3人受傷,泰妍表示會負起全責,並已向受傷嘅司機道歉,不過卻引起泰妍疑享特權嘅爭議。
而警方噚日表示,泰妍已於前日到首爾江南警署接受近20分鐘嘅調查。泰妍受查時承認過失:「因為只顧睇汽車儀表板,導致冇留意到前面嘅車輛所以引發事故。」對於事故當時同乘嘅愛犬,泰妍亦作出解釋:「係出世僅3個月嘅狗仔,當時喺籠入面瞓緊覺。」表示是次意外同愛犬冇關。
警方又表示:「根據《交通事故處理特例法》,今次事故唔適用於『11大重大過失』,將通過綜合保險對事故進行處理,即使受害者希望進行處罰,亦冇可以依據嘅法律,是次事故將以『無公訴權』移送到檢方。」
另外,噚日有韓媒播出泰妍到警署受查嘅採訪片段,對於喺今次事故疑享有特權獲優先接受急救人員治理,泰妍現身時未有回應。泰妍受查後離開時,該記者又問到「有受害者指冇收到你嘅道歉,有咩回應?」時,泰妍打破沈默發言:「依家有人受咗傷,(咁做法)太過份。」似乎不滿媒體嘅採訪手法。
今日下午,泰妍所屬嘅SM事務所表示:「已經跟事故當事人聯繫並且道歉,受交通事故影響而損失嘅部分,將會通過保險公司進行賠償。再次對受交通事故影響嘅人表示歉意。交通事故之後,對於喺網上關於泰妍以及相關事件嘅謠言、人身攻擊以及惡意留言等,目前正收集資料,將進行起訴。」
此外,泰妍代言嘅品牌今日公開咗其新廣告迎聖誕。
更多韓流,喺晒《娛果》
http://fb.com/appledailyent
empty
empty
噚日有韓媒播出泰妍到警署受查嘅採訪片段
empty
泰妍今日有新廣告公開
empty