當年今日
關於我們

【傲兒BB育成計劃】老父悉心安排 上大少公司打躉躋身上流社會

蘋果日報 2014/08/13 06:00

蘋果何傲兒父親破產分手馬場周子揚即時林建名大少傲芝育成計劃

何傲兒爸爸何世根,今年四月因破產事宜纏訟,雖然兩個女——傲兒同傲芝就力指即使爸爸破產,其生活水準依然不變,奇在之後兩女感情生活忽爾變得多姿多采,而且又不時出入馬場,身邊也不乏異性(新聞連結: http://bit.ly/Y2W3Ox )。講到感情生活,最轟烈要數傲芝同「雪雪雪」蕭正楠斬纜,以及傲兒BB個半月內周旋於富商林建名同闊少周子揚之間。桃花旺到不得了喎。

之前大少林建名都有講過,想簽傲兒BB做旗下藝人,但因為有啲問題傾唔成,但傲兒BB原來有時都會上下佢公司探望,亦見過大少嘅仔女,打過招呼。大少想照顧細姪女之心,確是無微不至。

話晒傲兒BB爸爸同大少份屬世交,大少照顧傲兒都好正常。所謂「育成之道」,咪就係照顧細姪女囉。傲兒爸爸亦諗得非常周到,個女07年參選港姐,09年就於仁濟活動上同年齡相差半個世紀嘅大少翩翩起舞,十指緊扣,二人亦不避嫌經常約會,不過大少就話次次都有傲兒爸爸在場三人行。

傲兒爸爸嘅苦心何止於此?據知傲兒喺大少心目中得寵指數日高,更曾以實習形式去大少旗下嘅大名娛樂做過行政工作,近水樓台同大少一家更加close。

報道話,傲兒爸爸一直悉心栽培兩個女躋身上流社會,未破產前就成日帶個女入馬場識新朋友,之前都俾傳媒影過幾次。傲兒BB亦陪過爸爸及大少入馬場,關係匪淺。據知傲兒BB唔使開工或者得閒時就上大少公司打躉,公司上下都知傲兒BB呢個「知己」嘅特別身份。早前傲兒BB更陪大少睇陳慧嫻個唱,亦令呢段呢段「爺孫戀」曝光。

咁傲芝呢?同大少又唔熟嘅?呢啲就係人夾人緣啩。