【新增內容及圖片】
由李昇基、車勝元、李洪基、吳漣序主演嘅tvN新劇《和遊記》前日首播收視高開達5.29%。

噚日播出第二集卻出現咗嚴重嘅播放事故，喺劇集播出時持續播出近20分鐘嘅廣告，其間又不斷播放劇集及綜藝節目嘅預告，到重新再播放後，就有「播放狀態暫時不穩定，請觀眾們諒解」嘅字幕，回覆正常不久，又繼續反復播出節目預告，令觀眾摸不着頭腦。

而第二集更有唔少穿崩鏡頭，當中拍攝有幾個黑衣人從吳漣序身邊飛彈出去時，清楚睇到幾位黑衣人嘅威吔線；一幅畫跌下時亦見到有繩子拉倒，加上鬼嘅後期製作未處理好等問題，可能因為有連串事故，令第二集收視下跌至4.849%。

及後tvN方面發表聲明就播放出現問題致歉，並表示第二集主要因為後期製作延遲才令到播放唔能夠順利進行，又指劇組為咗營造妖怪嘅特殊感覺而非常多的努力，喺拍攝同最後編輯嘅細節上都竭盡所能，喺最短時間完成，因而出現今次重大失誤,，並強調：「今天嘅失誤將會引以為戒，今次讓觀眾造成不便真係好抱歉，為了今後唔再發生咁樣嘅事故，製作工作會更加完善。」而tvN隨後公佈將於香港時間今日下午5點10分重播第二集。

而tvN方面今日就表示稍後重播《和遊記》第二集前會向觀眾再次致歉，同時為咗使觀眾能夠更加投入劇情，將全程唔加插廣告，對於今次發生咁嚴重嘅播放事故，tvN指佢哋冇辯解嘅餘地，並再次誠懇地向觀眾道歉，保證今後將防止同類事件發生，承諾會更加認真去製作。

由於噚日播出嘅第二集因廣告時段過長，導致無法完整播畢，原本第二集應有李昇基同吳漣序嘅吻戲，不過該幕慘被腰斬，再次引來劇迷不滿，而今日完整版就終於清楚睇到二人嘅一場吻戲。

更多韓流，喺晒《娛果》
http://fb.com/appledailyent