「間中陪佢返澳門探屋企人」
王賢誌暢談同性新婚生活

蘋果日報 2016/08/21 00:00

王賢誌於本月1日，於加拿大與拍拖七年的咖啡師同性伴侶Kevin結婚，昨晚他新婚後首度現身設計師何國鉦在金鐘舉辦的婚紗騷。王賢誌單拖而至，手上戴上婚戒，他笑言之前已與Kevin同居，故新婚生活沒大分別。問到誰先提出結婚，王賢誌表示：「係我提出，不嬲大家都有呢個idea，冇去實行，我哋冇浪漫求婚，有啲倉促，只得兩個月時間去籌備。」
問王賢誌會否在港補擺酒，他表示：「香港啱結婚場地要一年前訂，自己都搞過一次都好吃力，𠵱家鬆一口氣。」王賢誌透露雙方早已見過家長：「好早已見過家長，似屋企人feel，佢係澳門人，唔係成日見到佢屋企人，間中會陪佢返去探屋企人。」問到會否領養小朋友，他表示：「𠵱家冇諗咁多，冇咁長遠。」對於不少人讚勇敢，王賢誌坦言：「只係覺得行前咗好重要一步，呢刻心態唔係鼓勵大家想做啲乜，我只係需要去做。」他昨日與名公關鄭紹康玩facebook直播，澄清Kevin並不是咖啡店老闆。
empty
新婚的王賢誌昨晚戴上婚戒出席婚紗騷，其同性伴侶未有同行。
empty
王賢誌本月初在加拿大，與拍拖七年的男友Kevin（右）結婚。
資料圖片
empty
同樣新婚的梁佩瑚與蒙古老公郭雲飛一起出席，自爆常以《甄嬛傳》情節談情。
梁佩瑚指後母難做
此外，結婚四個月的梁佩瑚與蒙古商人老公郭雲飛雙雙現身，問會否努力造人生B，她表示：「有努力，唔係造人，冇刻意計劃做爹哋媽咪，又唔想靠人工（受孕），我呢個年紀難難哋，加上先生之前婚姻有個13歲嘅仔，佢有新媽咪會分薄咗，𠵱家關係好好，佢喺內地讀國際學校，我同老公喺香港住，做繼母角色係唔討好，始終維持做朋友關係最好。」
採訪：盧妹
攝影：仇志德
empty
陳爽昨晚蹺實老公梁梓軒現身婚紗騷活動。