王菀之（Ivana）同張敬軒今日喺尖沙嘴為演唱會DVD舉行簽唱會，同歌迷玩遊戲重演個唱上玩紙船，軒仔不慎咔下體，佢笑話：「冇事，平時大家話一柱擎天，我就中流砥柱。」雙方公司為演唱會Part 2溝通中，問到係咪要等Ivana生仔後成事，Ivana話：「生唔生要睇軒仔，視乎佢話幾時開，如果10年後就生咗先。」

另外，軒仔之前計劃到紐約進修，因愛犬患病而擱置，佢話：「佢(狗狗)突然間有事，全家人焦點都落喺佢度，進修事等佢情況穩定先算。」有傳佢住嘅舊屋同錄音室有靈異，佢笑話：「我冇特別澄清，被影嗰時就係狗有事，幾晚通頂，有啲報道歪曲咗。」