【新增相片】
中環海濱Formula E（FE）會場，下午3時進入戲肉錦標賽第一站賽事（E-Prix Round 1）。雖然大會表示門票售出逾90%，但記者高位目測入座率大約只有一半，當中摩天輪主看台人群全部避陽光而坐，入座率不足50%；龍和道看台則有大廈遮蔭入座率較高。

雖然看台觀眾不多，但每有撞車或爭位場面，觀眾仍然興奮歡呼。摩天輪看台觀眾吳小姐去年亦有觀看FE香港站，她指今年較刺激，「今年炒車得快啲，舊年冇咁大規模炒車，今年開始冇幾耐就炒晒，對觀眾嚟講係好睇啲、刺激啲」。她指去年在龍和道看台觀戰，看到兩架賽車同時在狹窄的龍和道爭位，非常刺激，故今年甚為期待，但就指龍和道看台較佳，「嗰邊好啲，嗰邊冇咁曬」。梁先生則指今日3時入場，毋須排隊，摩天輪看台亦較冷清，「龍和道看台好似多啲人」。首次現場觀賽的他認為，現場較電視觀賽大聲，期待賽車爭前後的場面。

黎先生曾在上海觀看F1賽事，覺得F1賽事較為刺激，「我鍾意引擎聲，摩打始終爭啲」。他稱能看到不少著名車手，已非常開心，但指看台有樹木阻擋景觀，「又要等好耐先有車經過，電視睇可能開心啲，有多啲唔同賽道睇，都有少少失望，但當感受下氣氛」，他指今日是免費飛入場，覺得票價2,000餘元觀看F1賽事合理，但不會以相同價格購買FE賽事門票。

面向賽道的左邊看台，因有樹木遮擋，就連屏幕亦有少量樹葉遮擋。觀眾周先生也指因左邊看台因樹木遮擋，要移往右邊看台觀賽，「看台冇乜人囉，冇乜攤位，可能聽日先多啲人」。

王小姐是賽車迷，今日特地花逾2,000元買飛入場，覺得票價仍可接受，「支持香港嘛」,但希望看台有遮陽位，「可能出年試下其他看台位」。