成為闊太目前湊女為樂o既張燊悅，日前亮相有線娛樂新聞台接受訪問，講到維持婚姻，張燊悅話如果想婚姻幸福，女方就要退出娛樂圈，因為娛樂圈生活癲倒好難兼顧屋企，佢仲舉o左郭藹明同彭羚做例子。

當主持人話佢做o左少奶奶，張燊悅即反駁話：「我一定唔會做少奶奶，我o係屋企做到一仆一碌，小朋友所有o野我跟，仲要處理屋企大小事務，連電費都係我交，咁老公先覺得我除o左靚之外都好有價值，唔係人人可以取代到。」