【新增內容】

38歲的何嘉莉跟前夫黃逸璋育有一子Jean，她15年再閃嫁機師男友Gerald，前年9月為老公誕下囡囡Zoe，何嘉莉去年10月宣佈再度懷孕陀豬女，今日即公佈喜訊已誕下重6.9磅的囡囡，母女平安。

有兩胎經驗的何嘉莉產前十分淡定，除了還在家中做運動鬆一鬆（新聞連結： https://bit.ly/2tZvJHd）。她昨日又在Instagram貼了入院相，還在床上喪吃快餐，有漢堡包和薯條，待產媽媽吃得好滋味，她留言：「我要食晒你哋，盡地一鋪。」其實原來相片背後出「蠱惑」，何嘉莉低調於3月7日剖腹產女。

雖有兩次剖腹生B的經驗，但今次再入手術室，何嘉莉都有緊張，機師老公Gerald當然有入產房剪臍帶，何嘉莉說：「BB重6.9磅，暫時都未睇得出似邊個。」屋企再添小公主，升呢哥哥的Jean和姊姊Zoe都心急想見妹妹，何嘉莉說：「阿仔見到BB好興奮，今次我冇代送禮物畀哥哥姐姐，之前囡囡出世就有送禮物畀哥哥，但今次我就話將個BB送咗畀佢哋，就係最好嘅禮物，佢哋都不知幾開心。」問到囡囡改名了嗎？何嘉莉表示已改英名文叫Raina：「係拉丁名，代表皇后意思。雖然佢係屋企入面最細，但我哋會當佢好似女皇一樣，萬千寵愛。 」果然是孻女孻心肝。

仍然留院休息的何嘉莉，今日接受訪問時說：「多謝大家嘅祝福，我而家仲喺醫院休息，因為今次都係全身麻醉，今胎我叫麻醉師落多啲啲麻醉，上一胎生女落藥啱啱好，所以生時有啲清醒狀態，自己覺得有啲驚，今次同麻醉師傾過，落多少少麻醉，等我一覺瞓醒就生咗。今次麻醉開刀攞BB，醒番BB就喺身邊，過程好輕鬆，老公一路陪住。我今次吩咐佢留多少少時間返屋企，家中有兩個小朋友，要幫手睇吓佢哋啲功課，咁我可以專心喺醫院爭取時間休息，我返到屋企，兩個小朋友又會叫住我，又可能玩同嘈，休息會冇咁多。今次生B好順利，BB好健康，姑娘話BB好似我，我仲未睇得出佢似邊個，佢得兩、三日人仔，起碼三、四個月樣子先定型。」何嘉莉早前陀女時感染B型鏈球菌，一度非常擔心，幸好母女平安，她表示囡囡出生未受感染。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef