意大利靚女泳手比莉姬蓮（FedericaPellegrini），噚日擊敗斯洛文尼亞嘅艾莎高域（SaraIsakovic），贏得200米自由式冠軍，而賽後全隊就為該20歲生日不久嘅女孩補送蛋糕，認真溫情洋溢！京運開幕前3日係比莉姬蓮牛一，而今年就以金牌陪住切蛋糕，仲有咁多好隊友陪𠻹，喜悅程度確係數倍增加，而佢亦透露生日願望已經達成，連我京奧判官都戥佢開心！