【咳到甩肺】吳嘉熙拍靈異節目後病足3周 同場KB嚇到匿埋
蘋果日報 2020/06/19 16:10
靈異節目吳嘉熙
攝影：林賓尼
女子組合Super Girls成員吳嘉熙（Cheronna）與主持人盧頌恩，今天於觀塘為香港開電視《30分鐘大放餸》拍攝，Cheronna不停咳嗽，她自爆3星期前拍攝靈探節目後便一直生病，她說：「喺3個星期前拍咗KB（李健宏）嘅靈探節目，第2日就唔舒服，好似感冒咁，我細個都有氣管敏感嘅，不過呢次病一直未好返。」她又指除了咳得厲害，更會「扯蝦」至透不到氣，有朋友給她哮喘藥才得以舒緩。
Cheronna指拍攝此靈異節目時，一直感到害怕與不安，她說：「連續做咗兩星期，雖然睇唔到，但會感覺到，係唔友善嘅會推跌嘢，每問問題都會有反應。其實拍嗰刻好辛苦，有壓住嘅感覺，想快啲拍完快啲走，因為我有宗教信仰，要燒衣紙同招魂，係另類體驗，不過唔想再病喇。」問到她會比男士大膽嗎？她說：「其實我都驚㗎，但就唔會擺到面上，不過KB就真係驚到匿喺女主持後面。」見Cheronna消瘦不是，問她是否因病至瘦？她說：「冇話瘦唔瘦，咳到肺就甩，氣管收窄，而家出去都怕嚇親人，仲會影響工作同唱歌，今日要煮嘢食都驚㗎。」
採訪：羅慧敏
攝影：林賓尼
攝影：林賓尼
吳嘉熙表示病了3星期。
吳嘉熙與主持人盧頌恩。
Cheronna講述近日拍靈異節目後感不安。