當年今日

特首「戲假情虛」網民狂插

蘋果日報 2012/03/02 00:00


【本報訊】特首曾蔭權昨日在立法會特別答問大會「欲哭無淚」致歉,又稱棄租深圳豪宅;惟網民對他「戲假情虛」不收貨,狂插曾蔭權「啲戲仲屎過陳浩民」,要求廉署起訴他及要求他下台謝罪。
一眾網民對曾蔭權的「哭樣」不以為然,有網民譏諷他虛偽,指:「係咁意用啲眼藥水都好吖,家夾硬必都冇,屙屎屙唔出咁!」亦都有網民揶揄指:「曾奴啲戲仲屎過陳浩民,唔租層樓當無數」、「曾蔭權哭?可能佢諗緊,唔租深圳咁租邊度?唔通要瞓隻豬個地牢。」「冇得住五千萬豪宅,俾我都喊啦!」
網民「天使萊利」更義正嚴詞說,看見曾蔭權哭,「就深深明白到,人是不見棺材不流眼淚……你們官商勾結時,有否對窮人有一絲憐憫?你覺得寃屈想哭,你有否想過,你在新加坡說香港沒有住屋問題,那些窮到要瞓街的香港人有多寃屈?」
曾蔭權放聲扮哭但拒辭職,令網民替因為偷步買車而下台的財政司前司長梁錦松不值,「Paptimus」指:「啲眼淚唔服氣谷唔出係咁,只可以講松松真係慘。」
有網民要求廉署「落charge審佢一審,先至順返條氣」,並建議「俾香港人每人吐(曾蔭權)一口口水」。