民豐（279）對上星期五，成交股數上40球，交投先嚟異動，好。民豐連今年4月及8月配股攤薄效應計，最新NAV每股約莫2.70元，現價0.345元貼住1年低位橫行，殘到痹，NAV折讓就高達87%。而集團連埋最近嘅集資活動所得，手頭現金應該過2億元，連埋放係流動資產嘅證券投資8.6億元，高流動性資產超過10億元。講折讓，講銀彈，都係吸引到痹。
又剛係8月，民豐引入咗創興（1111）及大摩前高層廖駿倫，而廖氏入股嘅上車成本，每股0.275元，民豐現價不過高出25%。所謂大雞唔食細米，睇大股東牌頭，對民豐未來業務可塑性，自然有一番憧憬。Beforethat，民豐折讓吸引，先嚟炒轉，博NAV收窄，係咁意以折讓70%做目標，民豐講緊要翻一番，到0.81元。

天業節水博升20%

天業節水（840）現價1.03元，亦係貼近半年低位浮沉，現價NAV折讓近30%。市場裏邊，無企業可以比較，但相對內地A股嘅節流抗旱板塊，好似大禹節水（深：300021）、利歐（深：002131）及科達（滬：600986）等等，平均上兩倍PB，天業就便宜得多。又資金輪流搵細價股炒，天業未點郁過，有得諗。呢轉冷吼，博天業升20%到1.23元，未有耐上到NAV水位。
錢雋