《老表，你好嘢！》捧紅咗唔少人，好似王菀之咁，戲份仲搶過佢「阿哥」郭晉安，一場同張繼聰鬧完交，喊到4行黑色眼淚嘅戲份，令觀眾印象深刻。

上個月底王菀之喺微博放咗張鰻魚飯嘅相，原來憶起舊愛，唔怪之拍失戀戲咁入戲啦!不過事業得意都好，女仔點都想搵番個膊頭靠吓嘅!Ivana又點會例外呢?

上個月24號Ivana就畀人影到同一位西裝大隻猛男行街街，Ivana去到糖果店買糖，當然同男伴分甘同味，之後兩個人再去撐檯腳食意大利菜，好溫馨喎。近年Ivana出活動都好悉心打扮，掃名牌化妝品更絕不手軟，唔知今次可唔可以脫離黃金盛女行列呢？