關心妍今日喺香港大會堂出席「蘋果基金暨梁文鑄書畫及收藏品展覽」揭幕儀式。梁文鑄先生有「善心廠家」之稱，早年在大陸設廠，現已退居二線，閒時練習字畫，已臻廢寢忘餐之境。

「蘋果日報慈善基金」榮幸於本年3月30日至4月2日與梁文鑄先生攜手在中環大會堂合辦書畫及收藏品展，為「醫療專戶」籌款，並請來關心妍任開幕儀式嘉賓。之後關心妍也有爭取時間欣賞展品，她稱：「我對書法唔係有好多研究，不過睇到啲字嘅形態，就知道梁先生有好多年經驗，而且佢好有善心，知道佢係今次捐錢俾『蘋果慈善基金』，所以復活節假期都要嚟支持。」

關心妍稱從小已喜歡毛筆字，希望書法可以流傳下去，也希望培養女兒心心對書畫的興趣。轉眼心心快將兩歲，關心妍謂女兒愛看書，現時會讓女兒看一點電視，熟習下，稍後帶她搭飛機讓她可以專心一點。

現在關心妍還開始教緊囡囡識字：「佢學得好快，每個月學兩個字，好似『爸』、『媽』、『你』、『我』咁。」

心心學字之餘，原來關心妍都在香港大學報讀音樂治療課程，下周開始上堂，一讀要讀幾年，稍後關心妍計劃開辦音樂治療中心，希望可以投入更多，但暫未物色地點：「想喺香港區，不過價錢唔相宜，每月經費可能要5、6萬。」

至於關心妍名下的「妍亮生命慈善基金」今年想舉行音樂比賽，歡迎中、小學生參加。關心妍又話希望基金之間可以互相支持，未來可以同「蘋果慈善基金」合作，有更長遠發展。

精選娛聞，喺晒《娛果》
http://fb.com/appledailyent