葵涌石籬二邨居民向本報投訴稱,石籬二邨於本月一日更換清潔公司,但交接安排混亂,以致邨內根本無人進行清潔工作。
非常時期豈容疏忽
其中石欣樓居民麥太稱,屋邨於上月三十日至本月一日一連兩天無人清潔,大廈走廊及大堂堆滿垃圾。「一袋二袋圾垃都冇人丟,走廊同電梯又唔見有人抹,𠵱家係非常時期,點可以容許咁嘅情形出現?」
她說,本月一日下午才見管理公司在大廈電梯大堂張貼告示,表示屋邨即日起更換清潔公司。「邊間接手都唔緊要,但一定要做得好啲,冇理由愈換愈差。」
她續稱,屋邨堆了兩天垃圾後,至本月一日傍晚才開始陸續有人清理;不過,清洗方面居民甚不滿意,「走廊地下又唔見人洗,電梯冇漂白水抹,見啲工人係咁意抹吓就算,重差過以前。」
辯稱新承辦未上手
另一居民林先生則稱:「啲垃圾多到四周圍都係,但問極管理員究竟會有乜安排,啲管理員都唔知,都答唔到清潔公司究竟會點。」
本報已將投訴轉介房屋署跟進。
管理石籬二邨的富寧物業管理有限公司副物業經理林先生,回覆本報查詢時表示,因新上任清潔承辦商,本月一日始接手工作,各方面均「未上手」才出現混亂。
他稱,管理公司會再與新清潔公司開會,安排工作細節,如收集垃圾時間、地點等。他強調:「清潔公司已將垃圾清走,清潔工夫𠵱家開始陸續做緊,確保能提供清潔嘅環境畀居民」。(○五○二○一)(○五○二○二)