「超人」李嘉誠私人嘅維港投資（HorizonsVentures）投資高科技眼光準就出晒名，原來負責打理呢間公司嘅，除咗有佢紅顏知己周凱旋(Solina)之外，仲有一位低調嘅創辦人，佢就係Solina嘅好姊妹張培薇（Debbie）(圖右)。噚日Debbie首度開腔會見傳媒，指自己喺維港投資係「好重要角色」。

一講到維港投資嘅項目，Debbie忍唔住賣花讚花香話「犀利」，佢讚Solina與維港投資團隊好眼光，而佢自己就比較少親自挑選項目，主要負責處理維港投資嘅公司財務、內部事務等等。佢最鍾意嘅高科技「玩具」，就係可穿戴裝置Misfit，話可以用嚟記錄運動、游水、散步嘅習慣，好有用咁話。

詳情請留意明天「中環在線」