有「BadBoy」之稱嘅韓國男團2PM前隊長朴宰范(JayPark)近日出新碟,除咗同性感女歌手泫雅合作嘅主打歌《YouKnow》MV被指太露骨而被為列19禁外,收錄歌之一《神經病》亦被指係影射舊公司老闆朴震榮。
《神經病》歌詞中提到:「我以前的老師怕我們變得samesame(一樣),現在嫉妒我」、「你是做粉絲生意的電視人,阻攔我亦會繼續前進」、「差點要去XX歌謠祭的,老頭子大叔一直不符合自己的年紀,幼稚幼稚」、「我做的事是音樂,你做的是政治」等,「以前的老師」、「電視人」等字眼即時令人猜測佢係講緊前老闆朴震榮。
不過JayPark現所屬公司就回應:「呢個係朴宰范自己寫嘅歌,我哋公司冇嘢可以回歸,亦都好難作出確認。」
而點解外界覺得JayPark同朴震榮有牙齒印,就要回帶去返2009年JayPark被網民摷返佢喺做練習生時期,喺網上留言話唔鍾意韓國人而引嚟網民不滿,最後JayPark更自動退團。
對於佢退團,大家都眾說紛紜,有網民話JayPark嘅留言未嚴重到要退團似係另有內情,亦有人話2PM同JayPark不和等。