當年今日
關於我們

【短片】【賀年論股市】曾淵滄:識買一定買藍籌!長揸呢一隻…

蘋果日報 2016/02/08 06:00

港鐵港交所藍籌曾淵滄湯文亮

羊年股市由牛市變熊市,財經評論員曾淵滄及「細價樓爆煲之父」湯文亮,兩位專家都認同股市已見底。若要投資,應以股票為首選,猴年可轉揸穩陣藍籌股收息。

曾淵滄指出,雖然自己並無水晶球,可以預計全年股市升跌,「但現時用任何角度去衡量,股票都係平,依家唔可以跌到去邊,好難再被炒家質落去」。目前買大藍籌有6至8厘息收,無懼股價短期急速上落。如果期內波幅太大,「寧願一直揸住唔放,跌50%都冇所謂,最緊要有息收」。

「買股票同去澳門賭大細最大分別係,如果你買大,一開蓋開細咁就冇咗!但你50蚊買股票,跌到30蚊你咪揸住收息,一直唔開個蓋,等到升番至放」。而他手中股票平均持有逾15年。他較看好港鐵(066)前景,因政府落實將有一批鐵路上蓋土地會在未來數年推出,擁有龐大土儲,「打算揸到小濠灣車廠起好」。

湯文亮亦指,對猴年股市不宜看得太淡,很多股票的市盈率已去到合理水平,猴年宜集中買派息慷慨、成交量大、無隱藏債務的藍籌股。以其愛股港交所(388)為例,「之前200蚊放咗,180蚊買番,雖然現價跌咗落去,但今次打算儲好耐,因為港交所係壟斷嘅生意」。

想睇更多兩位對後市預測,請今日大年初一,繼續留意蘋果財經即時新聞!

記者:程俊華
攝影:馬泉崇

掌握財經生活資訊,即Like「蘋果ATM」fb專頁啦!
http://fb.com/appledailyatm