歌神台上唔識走位
學友封院士 妻女缺席

蘋果日報 2015/06/25 05:20

張學友陳奕迅Eason博士張惠妹楊紫燁劉兆銘戴帽蔣維國香港演藝學院榮譽院士羅美薇張瑤華張瑤萱台灣金曲獎

張學友昨日在灣仔演藝學院出席「榮譽博士暨榮譽院士頒授典禮」,與韓生、蔣維國、王媛媛和楊紫燁同頒授「香港演藝學院榮譽院士」,曾獲頒院士名銜的劉兆銘亦有到場觀禮,而曹誠淵和梁智仁則獲頒「榮譽博士」。
昨日未見學友太太羅美薇及女兒張瑤華、張瑤萱現身撐場,而首個上台獲頒院士的學友,表現明顯有點緊張,跟他平日上台演唱的淡定表現有很大差別,其後才展歡顏。
事後問學友是否心情很緊張,學友笑住反問說:「係咪呀?可能我第一個,要走位同戴帽,時間要好準確,自己想記住。」問到太太為何不來?他說:「可能佢等我攞博士先嚟啦,講笑咋!都唔知仲有冇機會。」
學友透露,太太已經恭喜他,兩個女就未知這是甚麼,問他是否期待女兒將來戴博士帽、着袍?他說:「當然啦,佢着時我一定會在場,雖然我着佢唔在場。唔知到時會唔會喊,太早講怪怪哋。」
學友是今屆台灣金曲獎的候選男歌手之一,但有指得獎呼聲低,學友亦坦言沒信心得獎:「評判同一班人,應該唔會改變佢哋睇法,雖然我都想去見吓Eason(陳奕迅)、張惠妹,但要拍戲可能度唔到期。」他又透露,拍完手頭一部電影會多拍一部,希望明年可以開演唱會。
採訪﹕馬建華
攝影﹕葉君海