【狗仔出更】張家輝孖經理人食雲吞麵 咩事搞到皺晒眉？
蘋果日報 2019/09/14 00:30
雲吞麵鍾珍張家輝
民以食為天，就算天氣幾惡劣，醫飽個肚最緊要。張家輝日前冒大雨孖經理人鍾珍，到跑馬地食雲吞麵，食完再打包兩袋外賣，全程不過半個鐘，快靚正。
當日下午4點左右，家輝駕名跑載着經理人鍾珍，在一間雲吞麵舖外泊好車，因為下着大雨，二人隨即急步跑入舖頭，經理人揀了一個最角落的位置。叫了食物後，家輝和鍾珍聊天，滔滔不絕，又表情多多，更不時皺眉頭，似是在訴苦水，直至食物到枱才肯收口，三扒兩撥已經解決了碗麵，鍾珍埋單時，家輝等外賣，並細心檢查有冇附加辣椒油，然後拎住兩袋外賣推門離開麵舖，將外賣放入車尾箱，開車載鍾珍離去。
採訪、攝影：徐錦池、孔志豪、梁繼光
攝影：徐錦池、孔志豪、梁繼光
下大雨關係，張家輝下車後即急步入舖頭。
食物到枱，張家輝才肯收口專心醫肚。
食完再打包兩袋外賣。
放好外賣後便和經理人離開現場。