近期有唔少歌手轉會，薛凱琪傳由華納去pacoo既太陽娛樂；又傳方大同可能唔簽華納去環球或Paco公司；而最近有指張敬軒約滿環球後，會轉投英皇。

軒仔今日o係尖沙嘴出席音樂活動，冇否認亦冇承認，只係話o依家同環球仲有一張唱片，會做好呢張唱片先。之前有傳環球用1500萬o黎挽留佢，軒仔大方承認有o甘o既事，佢話：「其實我有愧於Duncan，過去佢比好多時間我o係錄音室上，仲好包容同支持我，但我同大家轉工理由一樣，我o係呢間公司已10年，再唔走公司就要比長期服務金我。」佢仲話o依家錢唔係佢最大考慮。嘩，有錢都唔要。

問軒仔轉會同密友關智斌有冇關係？佢話：「人生咁大決定唔會假手於人。」仲話完全冇問過關智斌意見，佢話：「雖然大家係好closeｏ既朋友，但會盡量少講工作。」