啦啦隊扮鬼扮馬
挑戰賽最後一天,吸引接近九千球迷入場,加上由八間學校組成的啦啦隊歡呼喝采之餘,部份更扮鬼扮馬穿上多明尼加民族衫,令到現場好似嘉年華會咁熱鬧,四支隊伍都大讚比賽氣氛好,啦啦隊落力表現絕對抵讚。
澳洲再吞3蛋冇感覺
澳洲隊噚日再度三蛋出局,不過球隊上下都冇乜唔開心,好似教練班納,喺賽後記者會中一邊食住甜筒,一邊答記者問題,雖然只係表演賽,不過最好尊重一下對手同傳媒好噃。
觀眾眼界麻麻哋
噚日頭場同尾場之間,一樣安排有獎遊戲畀現場觀眾玩,觀眾只要發球過網,擊中地上的獎品就當贏,不過佢地眼界麻麻,好多都未能擊中目標,最後要勞煩大會副總幹事鄭景亮用手相助,先至可以送出更多獎品。