泛民早前就上海訪問行程提出，要有充裕時間傾政改等3項要求，待中央明確回覆才決定是否參與行程。立法會主席曾鈺成直言「中央可以覆我哋嘅已經覆晒，（訪問行程）安排已經覆晒返來，如果要再增加甚麼說明，唔係幾恰當」。他又說，中央同意讓官員預留半日討論政改，時間已相當充份，與會官員亦已敲定。

至於立法會秘書處要求參與上海訪問的議員，今午5時前報名，曾鈺成稱，主要是為了方便訂購機票和籌備後勤安排，但即使今午5時前沒有報名，不代表不能參加，只是行程開支可能會增加，亦未必有機位，「如果過咗今日5點，收費會貴啲，因為做唔到團體票價錢，機位都冇保證」。