當年今日
關於我們

【旺角騷亂】指當日想保護市民 大狀形容梁天琦當日如高牆下雞蛋

蘋果日報 2019/03/05 16:09

暴動雞蛋與高牆梁天琦旺角騒亂

2016年大年初二旺角發生騷亂,本土民主前線前發言人梁天琦及「美國隊長」容偉業等人被控暴動罪受審。梁天琦一方今結案陳詞,指梁當日只得簡單防禦裝備,面對警方全副武裝,就算沒有向前衝擊警方,「企喺度都係送死」,反問陪審團有否想過何以梁當刻仍然堅守,「梁天琦冇諗過點保護自己,佢想法得一個,就係保護市民,保護其他人」。大狀並引用日本作家村上春樹的名句:「喺雞蛋同高牆之間,永遠企喺雞蛋嗰邊。」又形容梁當時就如雞蛋,面對如高牆般的警察。
代表梁天琦的大律師馬維騉表示,梁天琦當日只戴上面罩、套上衛衣帽子及手持一個水樽,連盾牌都沒有。他當日最後的發言亦是「你要驅散我哋,我哋唔會走,我哋會一直留喺度,你要清就過嚟清」。馬反問陪審團:「試問一個咁嘅人,同控方話佢想蓄意使用武力嘅人,可以磨合得到咩?」
馬指,如梁當時是蓄意使用武力衝擊警方,「裝備應該升級,要有得打先得」。惟種種迹象卻顯示,梁沒想過要主動衝擊警方,「嗰刻點解向前?佢自己都講唔到,只可以話係鹵莽」。馬又指,梁當時已打定輸數,「俗啲講,預咗輸梗㗎,所以先叫後面啲人幫吓手」。
馬要求陪審員想想:「佢咁樣撞埋去,會撞得爛個盾?會令警方受傷?會破壞到警方財物?」馬希望陪審團接納梁自辯的說法,「係清心直說,並無虛言」,他當時完全沒想過主動使用武力衝擊警方,「佢唔希望有重大事情發生」。
馬又指,黃台仰當時心中有何盤算,梁無法估計,梁只是一心想透過選舉遊行保護市民。反而警司莫慶榮作供時被問到當晚一心只想驅趕市民返行人路,會令情況更混亂及更危險,莫坦言沒想過此點。
馬亦指,陪審團需清楚明白,單單身處現場,並不等於參與暴動;就算梁心中有想法,認為警方不應執法,亦不足以單憑梁腦中的一個念頭,便裁定他參與暴動。馬謂:「咁樣就等同犯法?法律唔應該係咁,呢啲係常識。」
梁一方已陳詞完畢,聆訊明續。
【案件編號:HCCC408、HCCC408A/16】
記者蘇曉欣
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money!
http://bit.ly/2ICO2Mb