早兩日fb瘋傳一張教科書圖片，話係幼稚園教科書嚟嘅，以「砌圖」比喻爸爸媽媽「行埋」，公仔畫得幾cute，而且成個過程都形容得相當之詳盡，有網民就話:「使唔使咁仔細呀？」

其實出版社下次可以考慮下唔用「砌圖」做比喻，改用毛毛蟲。呢個idea係曹格個女Grace(姐姐)啟發大家嘅。話說呢，日前曹格喺北京開演唱會，現場播放錄影片段，曹格問一對兒女「自己像什麼」，大兒子Joe就話爸爸似美國隊長，姐姐Grace諗咗好耐，先至答:「爸爸像毛毛蟲。」

咁乜嘢事令Grace會咁講？曹格追問，Grace解釋話:「爸爸每天都跳在媽媽身上。」………咦咦咦咦咦。全場大笑，曹格當然都冇再問落去。

舖排好晒所有嘢，當然係想keep住有noise，所以之後曹格現身內地綜藝節目《巔峰拍檔》，先至回應番「毛毛蟲」呢單嘢，曹格話:「小孩講話就是這樣，沒有甚麼意思啦。」

咁就當答咗？當然唔係，曹格即補充:「是，我很喜歡趴在我老婆身上啊，沒甚麼問題吧，可以嘛，又沒幹嘛。」講到呢度，曹格都忍唔住大笑。

咁唔知爸爸扮完毛毛蟲之後，姐姐幾時又多一個弟弟或者妹妹呢？